საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ სტუდენტებისთვის გაცნობით შეხვედრებს ყოველკვირეულად გამართავს. 

პირველი შეხვედრა აღმოსავლეთ ევროპის უნივერსიტეტის იურიდიული ფაკულტეტის სტუდენტებისთვის გაიმართა. 

როგორც დანაშაულის პრევენციის ცენტრის დირექტორმა ჯონი კვინიკაძემ განაცხადა, მსგავსი საინფორმაციო შეხვედრები ძალიან მნიშვნელოვანია როგორც ცენტრისთვის, ისე ახალგაზრდებისთვის. 

„ყოველკვირეულად გაწერილ შეხვედრებზე ჩვენი ცეტრის სამმართველოების წარმომადგენლები  თავიანთი საქმიანობებისა და პროგრამების შესახებ პრეზენტაციებს მართავენ. სხვადასხვა უმაღლესი სასწავლებლის სტუდენტები გაეცნობიან როგორც ცალკეული პროგრამების მიზნებს, ისე მთლიანად დანაშაულის პრევენციაზე მიმართულ აქტივობებს. შეხვედრების მიზანია, ერთი მხრივ, სტუდენტებში  დანაშაულის პრევენციის ცენტრის ცნობადობის გაზრდა და მეორე მხრივ, დანაშაულის პრევენცია“, - განაცხადა ჯონი კვინიკაძემ. 

შეხვედრები ინტერაქტიულ ფორმატში მიმდინარეობს. სტუდენტებს საშუალება აქვთ მიიღონ ყველა მნიშვნელოვან კითხვაზე პასუხი. ახალგაზრდები ინტერესდებიან როგორც ყოფილ პატიმართა რეაბილიტაციის შედეგებით, ისე ახალგაზრდული პროგრამებით, თუ  როგორ მიმდინარეობს მოზარდების სამოქალაქო ცნობიერების განვითარების ხელშეწყობის გზით არასრულწლოვანთა შორის დანაშაულის პრევენცია. 

განსაკუთრებული ინტერესი გამოიწვია ახალგაზრდულმა პროგრამამ „მოხალისე“, რომელიც სკოლის მოსწავლეებსა და სტუდენტებს შესაძლებლობას აძლევს მოხალისეებად ჩაერთონ როგორც სახელმწიფო უწყებების, ისე კერძო კომპანიების საქმიანობაში. ამჟამად, პროგრამა „მოხალისე“ აქტიურად მიმდინარეობს საქართველოს 13 ქალაქში მოქმედ იუსტიციის სახლებში. 

იუსტიციის სამინისტროს დანაშაულის პრევენციის ცენტრის მისიაა საქართველოში დანაშაულის რეციდივის თავიდან აცილების ხელშეწყობა, რისკ ჯგუფებთან მუშაობა და პირველადი დანაშაულის პრევენციასთან დაკავშირებული ღონისძიებების გატარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი