სოჭში, ოკუპირებული აფხაზეთის დე-ფაქტო შს სამინისტროსა და რუსეთის ფედერაციას სამინისტროს შორის ორგანოების ერთობლივი საინფორმაციო-საკოორდინაციო ცენტრის ფორმირების შესახებ ე.წ. შეთანხმებას ხელი მოეწერა, - ამის შესახებ "სპუტნიკ-აბხაზია" იუწყება.

მედია საშუალების ინფორმაციით, "შეთანხმებას" ოკუპირებული აფხაზეთის მხრიდან დე-ფაქტო შინაგან საქმეთა მინისტრმა ასლან კობახიამ მოაწერა, ხოლო რუსეთის მხრიდან შს მინისტრის მოადგილე იგორ ზუბოვმა.

როგორც გავრცელებულ განცხადებაშია ნათქვამი, ე.წ. ცენტრის მიზანი ორგანიზებულ დანაშაულთან ერთობლივი ბრძოლაა. 

"ცენტრის სტრუქტურა და საშტატო განრიგი აფხაზეთის შს სამინისტროს მიერ მტკიცდება. ცენტრი 20 ერთეულად იქნება წარმოდგენილი", - ნათქვამია ე.წ. უწყების განცხადებაში.

"ცენტრის" მოვალეობაში შევა ოკუპირებული აფხაზეთის და რუსეთის სამართალდამცავ ორგანოებს შორის ინფორმაცია გაცვალოს, ოპერატიული და კრიმინალისტური ღონისძიებები ჩაატაროს და ორგანიზებულ დანაშაულებრივ ჯგუფებზე მონაცემთა ბაზა შექმნას.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი