2017-02-13 13:53:55, 1975 ნახვა
კომენტარი
ბესელია საპატრიარქოში განვითარებულ მოვლენებზე: მზადდებოდა ძალიან მძიმე დანაშაული
"ძალიან მძიმე დანაშაულის ჩადენა იქნა თავიდან აცილებული. რაც მთავარია, თავიდანაა აცილებული უმძიმესი შედეგი", - ასე გამოეხმაურა იურიდიულ საკითხთა კომიტეტის თავმჯდომარე ეკა ბესელია საპატრიარქოში განვითარებულ მოვლენებს.
ეკა ბესელია არ აკონკრეტებს, ვის მიმართ, ვის მიერ და რა ფორმით მზადდებოდა მძიმე დანაშაული, თუმცა აცხადებს, რომ აღნიშნულთან დაკავშირებით, როცა ამის შესაძლებლობა იქნება, დეტალურად საგამოძიებო ორგანოები ისაუბრებენ.
ეკა ბესელია მადლობას უხდის სამართალდამცავ ორგანოებს, რომელთა კოორდინირებული მუშაობის შედეგადაც, მისი თქმით, თავიდან იქნა აცილებული უმძიმესი დანაშაული.
"დაველოდოთ გამოძიების შედეგს. რაც მთავარია პატრიარქის უსაფრთხოებაზე მაქსიმალური ზომებია მიღებული", - განაცხადა ბესელიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
