2017-02-13 12:49:18, 2110 ნახვა
პოლიტიკა კომენტარი
გიორგი გუგავა: არჩევნებში მონაწილეობა სავალდებულო უნდა გახდეს
„ლეიბორისტული პარტიის“ წევრის გიორგი გუგავას განცხადებით, საქართველოს ყველა მოქალაქისთვის არჩევნებში მონაწილეობა სავალდებულო უნდა გახდეს.
მისივე თქმით, შესაბამისი ცვლილება კონსტიტუციაში უნდა განხორციელდეს.
„ჩვენი ინიციატივაა, კონსტიტუციაში შევიდეს ცვლილება და ყველა მოქალაქისთვის არჩევნებში მონაწილეობა სავალდებულო გახდეს. ამით გადაწყდება უამრავი სახელმწიფოებრივი პრობლემა, პირველ რიგში ისეთი მცირედი მხარდაჭერით, როგორიც ჰქონდა „ქართულ ოცნებას“, ვერ მოვა ვერც ერთი ძალა საკონსტიტუციო უმრავლესობით პარლამენტში. ასევე ერთხელ და სამუდამოდ გავიგებთ ამომრჩევლების რაოდენობას“,-განაცხადა გიორგი გუგავამ.
ამ წუთებში პარლამენტში საკონსტიტუციო კომისიის სხდომა მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
