საპარლამენტო უმრავლესობის ლიდერი არჩილ თალაკვაძე მედიის თავისუფლების საკითხებს გამოეხმაურა.

პარლამენტის პლენარულ სხდომაზე მან ოპონენტებს შეახსენა, რომ საქართველოში მედიის თავისუფლება და ადამიანის უფლებების დაცვა „ქართული ოცნების“ ხელისუფლების მიღწევაა:

„არ მინდა შეგახსენოთ, მედია როგორ კონტროლდებოდა თქვენი მმართველობის პერიოდში, და ადამიანის უფლებები როგორ ფასადურად იყო დაცული. ისინი, ვინც ცდილობთ, სპექტაკლი დადგათ, რომ თითქოს ხელისუფლებას უნდა, დაახშოს  „რუსთავი2“ და დახუროს არხები, ხომ არ გავიწყდებათ, რომ სწორედ „რუსთავი2“-ის მაუწყებლობის პირობებში, სწორედ მაშინ, როდესაც თქვენ ცდილობდით „რუსთავი2“ გამოგეყენებინათ ინსტრუმენტად, არჩევნების პერიოდში ჩვენ მოვიგეთ რამდენიმე არჩევნები, და ეს არჩევნები კონკურენტულ და თავისუფალ გარემოში ჩატარდა“,-განაცხადა არჩილ თალაკვაძემ.

მისივე მტკიცებით, ხელისუფლებას არანაირი მიზანი არ აქვს, რომელიმე ტელევიზია დახუროს:

„მეტსაც გეტყვით, შეურაცხმყოფელია ჟურნალისტთა მთელი კორპუსისთვის, რომელზეც ამბობთ, რომ ისინი არიან კონტროლის ქვეშ და მხოლოდ რუსთავი2-ის ხელმძღვანელი ბატონი გვარამია არის თავისუფალი და ამაყი ჟურნალისტი. თქვენ ფიქრობთ, რომ „იმედის“ ჟურნალისტები, პრესაში დასაქმებული ჟურნალისტები, ბეჭდურ მედიაში დასაქმებულები, ეს ადამიანები ყველანი არიან მორჩილები და მხოლოდ ბატონი ნიკა არის თავისუფალი და ამაყი ჟურნალისტი?! უბრალოდ სირცხვილია, როდესაც ასეთ შეურაცხყოფას აყენებთ ჟურნალისტთა კორპუსს“,-აღნიშნა არჩილ თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი