2015-03-05 14:35:38, 428 ნახვა
პოლიტიკა
პრემიერი მინისტრებს: შეუსრულებელ სამუშაოებზე პასუხისმგებლობის აღება მოგიწევთ
საქართველოს პრემიერ-მინისტრმა ირაკლი ღარიბაშვილმა მინისტრებს გააქტიურებისკენ კიდევ ერთხელ მოუწოდა. ღარიბაშვილმა მთავრობის დღევანდელ სხდომაზე მინისტრებს შეახსენა, რომ შეუსრულებელ სამუშაოებზე პასუხისმგებლობის აღება სწორედ მათ მოუწევთ.
"მინდა მინისტრებს კიდევ ერთხელ მოგიწოდოთ გააქტიურებისკენ და შეგახსენოთ, რომ მოგიწვეთ პასუხისმგებლობის აღება შეუსრულებელ სამუშაოებზე. ჩვენ მაქსიმალურად დაჩქარებული ტემპებით უნდა შევასრულოთ ყველა პროექტი, რომელიც გვაქვს დაწყებული.რომელიც არის გაწერილი ბიუჯეტის მიხედვით.ასე რომ, იქნება ეს გამგებელი, თუ საკრებულოს თავმჯდომარე, ჩვენ აუცილებლად დავაყენებთ პასუხისმგებლობის საკითხს. გეხებათ მინისტრებს, რომ მაქსიმალურად გააკონტოლოთ თქვენს სამინისტროებში მიმდიანრე სამუშაოები",-მიმართა ირაკლი ღარიბაშვილმა მთავრობის წევრებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
