"ლელო - ძლიერი საქართველოს" ერთ-ერთი ლიდერი ირაკლი კუპრაძე არაბული კომპანიის "იგლ ჰილსის' ხელშეკრულების დაუყოვნებლივ გასაჯაროებას მოითხოვს.

მისი განცხადებით, საჯარო რეესტრი დაუხარვეზებს თუ არ დაუხარვეზებს რაიმე ტიპის დოკუმენტს არაბულ კომპანიას, არაფერს ცვლის.

"ეს არის თამაში, რაშიც მონაწილეობს სახელმწიფო და ეგრეთ წოდებული იუსტიციის სამინისტრო - ვერანაირი დახარვეზება ამ დოკუმენტების ვერ გააჩენს განცდას თითქოს სახელმწიფო უწყებები იცავენ საქართველოს მოქალაქეების ინტერესებს.

ფაქტი არის ერთი, 6.5 მილიარდი დოლარის ღირებულების ხელშეკრულება არის გასაიდუმლოებული იმ ხელისუფლების მიერ, რომელიც კორუფციაშია ბრალდებული და რომლის ყველა შტოს თანამდებობის პირი არის სისხლის სამართლის დამნაშავე ან ბრალდებული დღევანდელი სასამართლო სისტემის პირობებშიც კი.

შესაბამისად, საჯარო რეესტრი დაუხარვეზებს თუ არ დაუხარვეზებს რაიმე ტიპის დოკუმენტს არაბულ კომპანიას, არაფერს ცვლის! ეს არის ტყუილი და პროპაგანდისთვის კიდევ ერთი საკენკი, რომ წარმოაჩინონ, თითქოს ისინი იცავენ რაიმე ტიპის სტანდარტს ან სამოქალაქო ინტერესს.

ჩვენი მთავარი მოთხოვნა არის, დაუყოვნებლივ გასაჯაროვდეს ხელშეკრულება! - განაცხადა ირაკლი კუპრაძემ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო