თბილისის მაშტაბით, სხვადასხვა ლოკაციებზე მოქალაქეებიშეიკრიბნენ და საპროტესტო მსვლელობით ჯერ გმირთა მოედნისკენ მიემართებიან, სადაც სხვადასხვა ლოკაციიდან წამოსული მოქალაქეები ერთმანეთს შეხვდებიან და გაერთიანებული მსვლელობით დედაქალაქის მთავარ გამზირზე შეკრებილ მოქალაქეებს შეუერთდებიან. მოთხოვნები უცვლელი რჩება, ყველა პატიმრის უპირობო გათავისუფლება და ხელახალი საპარლამენტო არჩევნების დანიშვნა. მარში დაიძრა; აღმაშენებლის გამზირიდან, ვაკის პარკიდან, ავლაბრის ტერიტორიიდან, აქციას უერთდებიან, სხვადასხვა სფეროს წარმომადგენლები და პოლიტიკოსები. დღევანდელ აქციაზე მოქალაქეები ხელისუფლების უუნარობასაც აპროტესტებენ და ამბობენ რომ სახელმწიფო ჩამოშლის ზღვარზეა, რადგან სტიქიის ზონაში ჩარჩენილი ადამიანების დახმარებასაც კი ვერ უზრუნველყოფენ.

კოალიცია „ძლიერი საქართველოს“ ერთ-ერთი ლიდერი დასავლეთ საქართველოში დატრიალებული სტიქიის შედეგების გამო  „ქართულ ოცნებას“ აკრიტიკებს. ოპოზიციონერი პოლიტიკოსის თქმით, არალეგიტიმურ ხელისუფლებას თოვლის გასაწმენდად ტრაქტორები არ აქვს, თუმცა ყიდულობს წყლის ჭავლის მანქანებს ადამიანების დასარბევად.

„ეს სახელმწიფო „ქართული ოცნების“ და რუსული რეჟიმის, ივანიშვილის პირობებში ყველა მცირე გასაჭირსაც კი ტრაგედიებით ხვდება. უკვე სამი ადამიანის დაღუპვის შესახებ არსებობს ინფორმაცია, სხვადასხვა მიზეზებით, ჩამონგრეულია ათობით სახლი და ამ დროს შსს ყიდულობს დასარბევად წყლის ჭავლის მანქანებს, როცა თოვლის გასაწმენდად არ აქვთ ტრაქტორები. დღეს ჩვენ გვაქვს მნიშვნელოვანი გამოწვევა, ქვეყანა არის გადასარჩენი,“ - ამბობს კუპრაძე.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი