საქართველოში ესტონეთის შეიარაღებული ძალების გენერალური შტაბის დელეგაციის ოფიციალური ვიზიტი დასრულდა.

თავდაცვის სამინისტროს ინფორმაციით, სამდღიანი ვიზიტის დასკვნით დღეს ესტონეთის გენერალური შტაბის უფროსი, გენერალ-ლეიტენანტი რიჰო ტერასი სსსტც „დელტას“ ეწვია. სამეცნიერო ცენტრში ესტონურ დელეგაციას ქართული სამხედრო მრეწველობის შესახებ პრეზენტაცია გაუმართეს და ქართული წარმოების შეიარაღების ნიმუშები წარუდგინეს.

ესტონურმა დელეგაციამ ეროვნული სასწავლო ცენტრი „კრწანისიც“ დაათვალიერა. სასწავლო ცენტრში ესტონეთის გენშტაბის უფროსს საქართველოს შეიარაღებული ძალების გენერალური შტაბის უფროსის მოადგილემ, ბრიგადის გენერალმა ვლადიმერ ჩაჩიბაიამ უმასპინძლა. კრწანისში სტუმრებს სასწავლო ცენტრის შესახებ ინფორმაცია მიაწოდეს და სიმულაციური ცენტრები დაათვალიერებინეს.

მოგვიანებით სტუმრებმა დავით აღმაშენებლის სახელობის ეროვნულ თავდაცვის აკადემიაში გადაინაცვლეს. გაცნობითი ბრიფინგის შემდეგ გენერალ-ლეიტენანტი რიჰო ტერასი აკადემიის ინფრასტრუქტურას გაეცნო.

საქართველოში სამდღიანი ოფიციალური ვიზიტით მყოფი ესტონეთის შეიარაღებული ძალების გენერალური შტაბის დელეგაცია ქვეყანას ხვალ დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა