„სოცკოდექს ჯგუფისა“ და ფრიდრიხ ებერტის ფონდის მიერ განხორციელებული კვლევის მიხედვით, „თიბისი ბანკი“ საქართველოში მოქმედ კომპანიებს შორის საუკეთესო დამსაქმებლად გამოცხადდა.

კვლევამ აჩვენა, რომ დასაქმებულთა უფლებების დაცვის კუთხით „თიბისი ბანკი“ ერთ-ერთი საუკეთესო ორგანიზაციაა.

ამის აღსანიშნავად, მწვანე სერთიფიკატი „თიბისი ბანკს“ სასტუმრო „რედისონში“ დაჯილდოების ცერემონიაზე გადაეცა.

კვლევა პროექტის „დასაქმებულთა და დამსაქმებელთა თანაბარი უფლებებისათვის“ ფარგლებში წელს ჩატარდა.

3 თვის განმავლობაში თბილისში მოქმედი რამდენიმე ათეული ორგანიზაცია გამოიკითხა, რისი მიზანიც არსებული შრომითი ურთიერთობების ანალიზი იყო.

„შრომითი უფლებების დაცვის მხრივ, ჩვენს ქვეყანაში არცთუ სახარბიელო მდგომარეობაა, რაც დადასტურდა პროექტის მიმდინარეობისას. ამიტომ მიგვაჩნია, რომ მდგომარეობის გამოსწორების პროცესში უნდა ჩაერთოს ყველა დაინტერესებული მხარე და ქვეყნის გულშემატკივარი“, - განაცხადა „სოცკოდექს ჯგუფის“ თავმჯდომარემ გიორგი ბარამიძემ.

„ვამაყობთ, რომ თიბისი ბანკი საუკეთესო დამსაქმებლად გამოვლინდა. ჩვენი კომპანია ცდილობს, იყოს ლიდერი თანამშრომელთა შრომითი უფლებების დაცვის კუთხით. ამ მიმართულებით ჩვენ მუდმივად ვდგამთ კონკრეტულ ნაბიჯებს, გვაქვს კონკრეტული ინიციატივები. მინდა, მადლობა გადავუხადო სოცკოდექს ჯგუფის მთელს შემადგენლობას იმისათვის, რომ ხელს უწყობენ საქართველოში შრომითი უფლებების დარეგულირებას“, - განაცხადა „თიბისი ბანკის“ ადამიანური რესურსების მართვის განყოფილების უფროსმა, ნინო გაჩეჩილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი