ოკუპირებული სამხრეთ ოსეთის დე-ფაქტო პრეზიდენტის არჩევნებში ე.წ პარლამენტის სპიკერი ანატოლი ბიბილოვი იმარჯვებს, - ამის შესახებ "სპუტნიკ-ოსეტია" იუწყება.

მედია საშუალების ინფორმაციით, ანატოლი ბიბილოვმა 50%-იანი ბარიერი გადალახა და მას ამომრჩეველთა 57,9% უჭერს მხარს.

მეორე ადგილს მოქმედი დე-ფაქტო პრეზიდენტი ლეონიდ თიბილოვი იკავებს. თიბილოვს 30% აქვს, ხოლო მესამე ადგილზე "კე-გე-ბე"-ს თანამშრომელი ალან გაგლოევია - 11,01%.

საბოლოო შედეგებს ე.წ ცესკო დე-ფაქტო არჩევნების ჩატარებიდან  5 დღეში წარადგენს.

ე.წ არჩევნებზე სულ 77 უბანი იყო გახსნილი, აქედან 5 კი რუსეთის ტერიტორიაზე. კანდიდატს გამარჯვებისთვის 50%-ზე მეტი ხმა უნდა ჰქონდეს მიღებული. 

შეგახსენებთ, რომ გუშინ ოკუპირებულ რეგიონში დე-ფაქტო საპრეზიდენტო არჩევნები გაიმართა. "არჩევნების" გარდა, ოკუპირებულ სამხრეთ ოსეთში ე.წ რეფერენდუმიც ჩატარდა, სახელის შეცვლასთან დაკავშირებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ