საქართველოს საგარეო საქმეთა მინისტრი მიხეილ ჯანელიძე ოკუპირებულ სამხრეთ ოსეთში დაგეგმილ ე.წ რეფერენდუმს, სახელის შეცვლასთან დაკავშირებით, არალეგიტიმურს უწოდებს.

როგორც საგარეო მინისტრმა ჟურნალისტებს განუცხადა, აღნიშნული რეფერენდუმი ყველა საერთაშორისო პრინციპს არღვევს.

"პირველ რიგში ცხინვალში დაგეგმილი ე.წ რეფერენდუმი არის არალეგიტიმური. შესაბამისად მას არანაირი სამართლებრივი გავლენა არ შეიძლება ჰქონდეს. ის არ შეესაბამება არანაირ საერთაშორისო ნორმებს და არღვევს ყველა პრინციპს. ის არ იქნება მისაღები საერთაშორისო საზოგადოებისთვის და საქართველოს ხელისუფლება აკეთებს ყველაფერს, რათა იყოს შესაბამისი რეაგირება საერთაშორისო საზოგადოების მხრიდან", - დასძნა ჯანელიძემ.

ცნობისთვის, ოკუპირებულ სამხრეთ ოსეთში დე ფაქტო საპრეზიდენტო არჩევნებთან  ერთად, 2017 წლის 9 აპრილს, პლებისციტიც ჩატარდება. დე ფაქტო პრეზიდენტის ლეონიდ თიბილოვის სურვილია, სამხრეთ ოსეთს "ისტორიული სახელი" ალანია დაუბრუნდეს. პლებისციტზე ოკუპირებული რეგიონის მცხოვრებლებს ჰკითხავენ- უნდათ თუ არა მათ სამხრეთ ოსეთისთვის სახელის შეცვლა.
ოკუპირებული რეგიონის ლიდერობისთვის ბრძოლას ამ ეტაპზე 3 კანდიდატი გეგმავს - მოქმედი და ყოფილი დე ფაქტო პრეზიდენტები, ლეონიდ თიბილოვი და ედუარდ კოკოითი, დე-ფაქტო პარლამენტის სპიკერი ანატოლი ბიბილოვი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო