EgyptAir-ის სამგზავრო ლაინერის, “А320”-ის ბორტზე მყოფი ყველა მგზავრი გარდაცვლილია, - ამის შესახებ BBC ეგვიპტის პრეზიდენტის ოფიციალურ განცხადებაზე დაყრდნობით იუწყება. 

აბდელ ფათაჰ ალ-სისი დაღუპულთა ნათესავებსა და ახლობლებს მწუხარებას უცხადებს.

მედიის ინფორმაციით, ხმელთაშუა ზღვაში ეგვიპტური ავიაკომპანიის EgyptAir-ის თვითმფრინავის ნამტვრევები და მგზავრთა პირადი ნივთები იპოვეს. 

BBC-ის ცნობით, თვითმფრინავის ნამტვრევები და მგზავრების ნივთები ალექსანდრიის სანაპიროდან 295 კილომტრში ეგვიპტის შეიარაღებული ძალების ქვედანაყოფებმა იპოვეს. ამჟამად აღნიშნულ რაიონში მიმდინარეობს ავიალაინერის “შავი ყუთების” ძებნა.

შეგახსენებთ, რომ ხმელთაშუა ზღვაში სამძებრო ოპერაცია გუშინდელი დღიდან მიმდინარეობდა და მასში ეგვიპტის, საბერძნეთის, დიდი ბრიტანეთის, საფრანგეთის, კვიპროსის, იტალიისა და აშშ-ის ხომალდები მონაწილეობდნენ.

თვითმფრინავი “А320” რომელიც რეისს პარიზიდან კაიროში ასრულებდა, გუშინ, ეგვიპტის საჰაერო სივრცის გადაკვეთის შემდეგ რადარებიდან გაქრა.

ბორტზე 66 ადამიანი - ეკიპაჟის 10 წევრი და 56 მგზავრი იმყოფებოდა, მათ შორის ეგვიპტის 30, საფრანგეთის 15 და კიდევ 10 სახელმწიფოს მოქალაქე.

როგორც გუშინ ეგვიპტის სამოქალაქო ავიაციის მინისტრმა შარიფ ფათჰიმ განაცხადა, კატასტროფის ერთ-ერთი ყველაზე სავარაუდო მიზეზი ტერაქტია, თუმცა ხელისუფლება სხვა ვერსიებს არ გამორიცხავს.


 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი