ევროკავშირში გაწევრიანებისკენ მსვლელობის განბლოკვისთვის უკრაინა და უნგრეთი კონსულტაციებზე შეთანხმდნენ. ამის შესახებ უკრაინის ვიცე-პრემიერმა და ევროპული და ევროატლანტიკური ინტეგრაციის საკითხებში მინისტრმა, ოლგა სტეფანიშინამ განაცხადა.

მისი თქმით, 12 მაისიდან “რეგულარულად იმუშავებენ გუნდები, რომლებიც დღეს ბუდაპეშტში იმყოფებოდნენ, უკრაინული და უნგრული მხრიდან”.

სტეფანიშინას თქმით, სამომლაპარაკებლო ჯგუფები იმუშავებენ “იქამდე, სანამ არ განვსაზღვრავთ ამოცანების სრულ სიას თერთმეტი რეკომენდაციის ფარგლებში, რომლებიც უნგრული მხარის შეშფოთების საგანია”.

“ველით, რომ ამ კვირის განმავლობაში ვიმუშავებთ უნგრული მხარის საპასუხო წინადადებებზე და გათვლა გვაქვს, რომ 12 მაისიდან უკვე გვექნება შუალედური შედეგები” , - განაცხადა სტეფანიშინამ.

მან ასევე აღნიშნა, რომ სამშაბათს, 29 აპრილს, უნგრეთში მიმდინარე მოლაპარაკებების დროს უკრაინულ დელეგაციას ბუდაპეშტისგან არანაირი რადიკალური ან ნეგატიური განცხადებები არ მოუსმენია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი