თსსუ-ს პირველი საუნივერსიტეტო კლინიკის დირექტორის, ლევან რატიანის განცხადებით, გუშინ, კლინიკის მედპერსონალს ჩაუტარდათ pcr გამოკვლევა და არც ერთ მათგანს COVID ინფექცია არ დაუდასტურდა.

როგორც რატიანმა აღნიშნა, პირველ საუნივერსიტეტო კლინიკას დღეს 2 პავციენტი დატოვებს, რომლებსაც კოვიდ ინფექცია აღარ უდასტურდებათ.

„გუშინ ჩვენს კლინიკაში ჩატარდა მასიურად მედპერსონალის გამოკვლევა pcr მეთოდით. საბედნიეროდ, არცერთ ჩვენს თანამშრომელს არ დაუდასტურდა კოვიდ ინფექცია.

დღეს ჩვენი კლინიკიდან კო-ვირუსის გარეშე ეწერება 2 პაციენტი. ასევე, პაციენტები, რომლებიც ჩვენს კლინიკაში არიან მოთავსებული, განსაკუთრებით კი კრიტიკული მედიცინის დეპარტამენტში, მათი მდგომარეობა ყვალა მათგანთან ამ ეტაპამდე დადებითია. ქალბატონების პირველადი ტესტები დღეს იგზავნება და პროტოკოლის მიხედვით ხვალ განმეორდება და თუ მოვა დადებითი პასუხები, ისინი აუცილებლად დატოვებენ კლინიკას.

ასევე მინდა გითხრათ, რომ პაციენტი, რომელიც არის 42 წლის და ჩვენს კლინიკაში ყველაზე ახალგაზრდა მძიმე პაციენტია, ამ ეტაპზე მისი მდგომარეობა მეტ-ნაკლებად სტაბილურია, ინარჩუნებს გარეგანი სუნთქვის პარამეტრებს. რაც შეეხება ორსულ ქალბატონებს, ერთ მათგანთან გავიდა მე-14-ე დღე, 24 კვირის ორსულთან, იგზავნება ლუგარის ლაბორატორიაში ტესტი და დღის მეორე ნახევარში გვეცოდინება პასუხი“, - განაცხადა ლევან რატიანმა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო