„არამგონია რომ საჭირო იყოს, ქვეყანაში შექმნილ ეკონომიკურ მდგომარეობაში დამნაშავე ადამიანის ძებნა მთავრობაში“, - ამის შესახებ ევროპის რეკონსტრუქციისა და განვითარების ბანკის დირექტორმა სამხრეთ კავკასიაში, მოლდოვასა და ბელორუსში ბრუნო ბალვანერამ ლარის კურსის გაუფასურების საკითხის კომენტირებისას განაცხადა.

EBRD-ის რეგიონული დირექტორის თქმითვე, საქართველოს მთავრობამ ფოკუსირება ექსპორტისა და ტურისტების ნაკადის ზრდაზე უნდა მოახდინოს. მისივე შეფასებით, ლაურის გაუფასურება ძირითადად საგარეო ფაქტორებითაა გამოწვეული.

„არამგონია, რომ საჭირო იყოს დამნაშავე ადამინის ძებნა მთავრობაში. რაც უნდა გააკეთოს საქართველოს ხელისუფლებამ, ესაა თუ როგორ უნდა გაიზარდოს ექსპორტი, რომ მეტი უცხოური ვალუტის მობილიზება მოხდეს. როგორ უნდა მოიზიდოს მეტი  ტურისტი, რომ ქვეყანაში ვიზიტორების ნაკადი გაიზარდოს. ლარის დევალვაცია და შექმნილი ეკონომიური მდგომარეობა ძირითადად საგარეო ფაქტორებითაა გამოწვეული. ერთ-ერთი მიზეზი მსოფლიოში აშშ დოლარის გამყარებაა, მეორე კი საქართველოს მთავარი პარტნიორი სავაჭრო ქვეყნების ვალუტების გაუფასურება“, - განაცხადა ბრუნო ბალვანერამ.

რაც შეეხება საფინანსო ინსტიტუტის მიერ საქართველოსათვის ფინანსური რესურსების გამოყოფას, EBRD-ის რეგიონული დირექტორი აცხადებს, რომ წელს სავარაუდოდ 200 მილიონი ევრო გამოიყოფა.

„საქართველოში ინფრასტრუქტურის დარგში ინვესტიციების განხორციელება ბევრი მიმართულებითაა საჭირო - მუნიციპალური სერვისები, წყალი, გზა, საჭიროება ძალიან დიდია. ეს პროცესი წლების განმავლობაში უნდა მიმდინარეობდეს, თუმცა ყველაფერი ქვეყნის შესაძლებლობებზეა დამოკიდებული. ფინანსურ ინსტიტუტს შეუძლია დააფინანსოს ეს საჭიროებები, თუმცა შემდეგ საქართველომ ეს ყველაფერი უნდა დაფაროს. ჩვენ შარშან საქართველოში ინვესტიცია გავაორმაგეთ. მთლიანობაში 2.6 მილიარდი ევროს რესურსის აქვს EBRD-ს საქართველოსათვის გამოყოფილი. გასულ წელს 200 მილიონზე მეტი იყო. წელსაც სავარაუდოდ 200 მილიონი იქნება. ეს დიდი თანხაა საქართველოსათვის და EBRD-სთვისაც. თუმცა არასოდესაა საკმარისი საჭიროებებისთვის“, - განაცხადა ბრუნო ბალვანერამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“