2 სექტემბერს, რუსთაველზე, იარაღის ტარებისთვის დაკავებული კაცი 62 წლის მიხეილ ლეშკაშელია.

დაკავებულის ადვოკატი, გიორგი ყავლაშვილი მედიას ეუბნება, რომ ლეშკაშელი იარაღების კოლექციონერია და მას აქციასთან კავშირი არ ჰქონია. 

"გადაწყვეტილი ჰქონდა, ჩვენი ინფორმაციით, სანადიროდ წასვლა... არის კოლექციონერი, იარაღებს აგროვებს და აქვს არაერთი იარაღი, თუმცა აბსოლუტურად ყველა კანონიერი და რეგისტრირებულია. უბრალოდ მოხვდა ამ ადგილზე, მანქანიდან მოუწია გადმოსვლა, გზაც გადაკეტილი იყო და იქიდან გამომდინარე, რომ ბევრი ხალხი ტრიალებდა გარშემო, თვითონ ჩათვალა, რომ უფრო უსაფრთხო იქნებოდა, იარაღი, რომლის ტარების უფლებაც გააჩნდა, რომ თან ჰქონოდა.
[...]

ბატონ მიშას აღმოაჩნდა 22 რეგისტრირებული, გაფორმებული იარაღი. აქვს ადამიანს იარაღების სიყვარული და ჰობი.

მამამისი სამხედრო პირი, მაღალჩინოსანი იყო და ამ ადამიანს ჰქონდა მისი გარდაცვალების შემდეგ დატოებული "გეკოს" თოფი, რომელსაც აქვს ე.წ. ხრახნი.

[…]

ბატონი მიხეილი ბრალს გაეცნო, ჩვენთან ერთად, ვუთხარით ამას გედავებიანთქო. ამ ადამიანს განზრახვა და რაიმე კავშირი აქციასთან ნამდვილად არ ჰქონია" - ამბობს დაკავებულის ადვოკატი, გიორგი ყავლაშვილი TV პირველთაან. 

შსს-მ 3 სექტემბერს გაავრცელა განცხადება, რომ დააკავეს კაცი, რომელიც  2 სექტემბერს, "რუსთაველის გამზირზე მიმდინარე აქციის დროს, აქციის მონაწილეთა შორის, ცეცხლსასროლი იარაღით გადაადგილდებოდა".

უწყების ცნობითვე, დაკავებულის საცხოვრებელი სახლიდან სხვადასხვა ტიპის ცეცხლსასროლი იარაღი და საბრძოლო მასალა ამოიღეს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი