ქედაში, საქართველოს სასკოლო სპორტული ოლიმპიადა 2023-2024 და საქართველოს სასკოლო ლიგა 2023-2024 შესარჩევი მუნიციპალური თამაშები დაიწყო. ამის შესახებ ინფორმაციას ქედის მუნიციპალიტეტის მერია ავრცელებს.

მათივე ცნობით, დღეს, მაგიდის ჩოგბურთში ოლიმპიადა ქედის მუნიციპალიტეტის მერისის, ვაიოს, უჩხითის და დოლოგნის საჯარო სკოლის მოსწავლეებს შორის გაიმართა. 

"მაგიდის ჩოგბურთში გუნდური პირველობა და ინდივიდუალური პირველობა ვაიოს საჯარო სკოლამ მოიპოვა.

ოლიმპიადა ჩატარდა კალათბურთში 3X3 -ზე გოგონებსა და ვაჟების გუნდებს შორის, რომელშიც მონაწილეობას დოლოგნის, ქვედა მახუნცეთის, პ/მაისის, ქედისა და მერისის საჯარო სკოლის მოსწავლეები ღებულობდნენ. 

• I ადგილი - გოგონათა გუნდებს შორის, დოლოგნის საჯარო სკოლა;
• I ადგილი - ვაჟთა გუნდებს შორის, ქედის საჯარო სკოლა. 

სასპორტო ოლიმპიადა ასევე, სპორტის შემდეგ სახეობებში გაიმართება: ფრენბურთი, მინი ფეხბურთი და გეზბენი.

მუნიციპალიტეტში გამარჯვებული გუნდები ქალაქ ბათუმის რეგიონალურ თამაშში მიიღებს მონაწილეობას. 

ღონისძიება ა(ა)იპ ,,ქედის სასპორტო სკოლის" ორგანიზებით, მუნიციპალიტეტის მერიის სპორტისა და ახალგაზრდულ საქმეთა განყოფილების და ,,ქედის რესურსცენტრის" მზარდაჭერით იმართება", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი