ქედაში ინფრასტრუქტურული სამუშაოები აქტიურად მიმდინარეობს. მუნიციპალიტეტის მერის პირველმა მოადგილემ იმედა ვასაძემ, საკრებულოს თავმჯდომარის მოადგილესთან, რომან დავითაძესთან და სივრცითი მოწყობის, არქიტექტურისა და მშენებლობის სამსახურის უფროსთან, გენადი ანანიძესთან ერთად, სამშენებლო სამუშაოები ადგილზე მოინახულა. ამის შესახებ ინფორმაციას ქედის მერია ავრცელებს.

მერიის ცნობით, ადმინისტრაციული ერთეულების ცენტრებისა და მასში შემავალი სოფლის ცენტრების კეთილმოწყობისა და ინფრასტრუქტურის პროგრამის ფარგლებში შემდეგი სამუშაოები ხორციელდება:

• სოფელ მეძიბნაში აშენდა ორი ფანჩატური, ხოლო ერთი ფანჩატურის მშენებლობა ამ ეტაპზე სოფელ ცხემნაში მიმდინარეობს; 
• რეაბილიტაცია ჩაუტარდა სოფელი ორცვის და ინაშარიძეების სოფლის სახლებს.

შიდა სასოფლო-საუბნო გზების რეაბილიტაციის პროგრამის ფარგლებში ხორციელდება: 

• დაბა ქედაში აბაშიძის ქუჩაძე გზის კეთილმოწყობის სამუშაოები. პროექტის ფარგლებში მოეწყობა სანიაღვრე არხები ცხაურით, ფერდსამაგრი კედელი, გოფრირებული მილხიდი და დაეგება ბეტონის საფარი;
• ასევე, სოფელ ნამონასტრევში ხიდის რეაბილიტაცია მიმდინარეობს. პროექტის ფარგლებში არსებული ხის ხიდი შეიცვალა კაპიტალური ლითონის კონსტრუქციით. 

მერიის ცნობით, პროგრამით გათვალისწინებული აღნიშნული სამუშაოები წლის ბოლომდე დასრულდება.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო