უკრაინის პრეზიდენტის ვოლოდიმირ ზელენსკის ტელეგრამის არხზე სამშაბათს საღამოს უკრაინის პრეზიდენტის ვოლოდიმირ ზელენსკის ტელეგრამის არხზე გამოჩნდა უმაღლეს რადას დეპუტატისა და "პუტინის ნათლია" ვიქტორ მედვედჩუკის ფოტო.

"სპეციალური ოპერაცია ჩატარდა SBU-ის წყალობით. კარგია! დეტალები მოგვიანებით", - ნათქვამია წერილში, სადაც მედვედჩუკი იჯდა სამხედრო ფორმაში ხელბორკილებით.

18 მარტს უკრაინის გამოძიების სახელმწიფო ბიურომ განაცხადა, რომ უკრაინის სასამართლომ დაუშვა მედვედჩუკის დაკავება.

თებერვლის ბოლოს მედვედჩუკის ადვოკატმა ლარისა ჩერედნიჩენკომ განაცხადა, რომ მან დატოვა სახლი კიევში, მაგრამ დარჩა ქალაქში. მას შინაპატიმრობა 10 მარტს ამოეწურა.

რუსეთის პრეზიდენტის პრესმდივანმა დიმიტრი პესკოვმა განაცხადა, რომ ვერ იტყვის რამდენად შეესაბამება ეს ფოტო ნამდვილს.

”მე ვნახე მედვედჩუკის ფოტო. რამდენად შეესაბამება ეს სიმართლეს, ვერ ვიტყვი. არასწორი იქნებოდა რაიმეს თქმა ყოველგვარი დადასტურების გარეშე“, - განუცხადა პესკოვმა ჟურნალისტებს.

მედვედჩუკი სადღეღამისო შინაპატიმრობაში იმყოფებოდა სახელმწიფოს ღალატისა და ტერორისტული საქმიანობის მხარდაჭერის ბრალდებით, მაგრამ მოგვიანებით მას სასჯელის ზომა შეუცვალეს. 26 თებერვალს გენერალურმა პროკურატურამ ნაციონალურ პოლიციას დაავალა, შეემოწმებინა, იყო თუ არა მედვედჩუკი მისამართზე, სადაც ის შინაპატიმრობაში იმყოფებოდა. მაგრამ მედვედჩუკი ადგილზე არ აღმოჩნდა.

ვიქტორ მედვედჩუკი, რომელიც პარტიის „ოპოზიციური პლატფორმა - სიცოცხლისათვის“ პოლიტსაბჭოს თავმჯდომარეა, არის უკრაინელი პოლიტიკოსი, რომელსაც მჭიდრო პირადი ურთიერთობები აკავშირებს რუსეთის პრეზიდენტ ვლადიმირ პუტინთან.

ავტორი: ექსპრესნიუსი,

სოციალური ქსელები

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს