თბილისის საქალაქო სასამართლოში ვაკის პარკში დაკავებული პირების ნაწილი უკვე გადაიყვანეს.
მათ საქმეზე სასამართლო დღეს იმსჯელებს და გადაწყვეტს, მოხდება თუ არა მათი დაჯარიმება. დაკავებულთა ნაწილი თავს დამნაშავედ არ მიიჩნევს და შესაბამისი ოქმისთვის ხელი არ მოუწერია.
ხუთივე პირს ადვოკატი მალხაზ ველიჯანაშვილი იცავს. მისი თქმით, ყველა მათგანი ადმინისტრაციული წესით არის დაკავებული. ნაწილი დაკავებულია წვრილმანი ხულიგნობის ბრალდებით, ნაწილს კი პოლიციისთვის წინააღმდეგობის გაწევა ბრალდება. ადვოკატის თქმით, მოწმეებით დასტურდება, რომ არც ერთ მის დაცვის ქვეშ მყოფს პოლიციისთვის წინააღმდეგობა არ გაუწევია.
შეგახსენებთ, სამართალდამცველებმა ვაკის პარკში დღის პირველ ნახევარში 5 პირი დაკაავეს, მათ შორის საზოგადოებრივი მაუწყებლის ყოფილი გენერალური დირექტორი გიორგი ჭანტურია. როგორც თავად დაკავებულები აცხადებენ, მათი აყვანა იმის გამო მოხდა, რომ ვაკის პარკში ე.წ. გეორგიევსკის ლენტით მისულ ადამიანებს ლენტები ჩამოხსნეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს