ჩვენ მზად ვიყავით, ინფორმაციის სანაცვლოდ ფინანსური და პირადი გარანტიები მიგვეცა მამუკა ახვლედიანისთვის, - ამის შესახებ ტელეკომპანია „რუსთავი 2“-ის გენერალურმა დირექტომა, ნიკა გვრამიამ დღეს გამართულ პრესკონფერნციაზე განაცხადა.

როგორც გვარამიამ აღნიშნა, დღეს გავრცელებულ საუბარს გაგრძელება აქვს. 

„დღეს გავრცელებულ საუბარს კიდევ აქვს გაგრძელება, სადაც კიდევ უფრო კონკრეტდება ყველაფერი.  როდესაც მედია მიდის ე.წ. ვისელბლოუერთან, რომელიც ამბობს, რომ აქვს სისტემური დანაშაულების შესახებ მტკიცებულებები,  უნდა განცხადება გააკეთოს და მედიისგან ითხოვს ხელშეუხებლობის, ფინანსურ გარანტიებს, ბუნებრივია, რომ მედია ამაზე წამსვლელია. ჩვენც მზად ვიყავით, იმ ვითარებაში, მით უმეტეს, როდესაც მაღალი საზოგადოებრივი ინტერესი იყო, ფინანსური და პირადი უსაფრთხოების გარანტიები მიგვეცა არა მხოლოდ მისთვის. ბევრი ადამიანი იყო ასეთი, რომელმაც ასეთი ტიპის გარანტიები მიიღო. მათ შორის, ისინი, ვინც ის ინფორმაციები გაამჟღავნა „რუსთავი“ 2-ში, რომელიც თქვენ მოსმენილი გაქვთ მთელი ამ წლების განმავლობაში“, - განაცხადა ნიკა გვარამიამ. 

შეგახსენებთ, რომ მამუკა ახვლედიანისა და ნიკა გვარამიას ჩანაწერში, გვარამია  მამუკა ახვლედიანს ეუბნება ასეთ ფრაზას - "რა უნდა კაცო მაგის იმედს, ეს არ არის რთული".

როგორც გვარამიამ დღეს განმარტა, ამ ფრაზაში სწორედ ფინანსურ უზრუნველყოფას გულისხმობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება