ევროინტეგრაციის თემები და მთავრობის ადმინისტრაციის რეფორმირების საკითხები განიხილეს საქართველოს მთავრობის ადმინისტრაციის უფროსის, მაია ცქიტიშვილის და უკრაინის მინისტრთა კაბინეტისა და პრემიერ-მინისტრის აპარატის უფროსის, ანა ონიშჩენკოს შეხვედრაზე. 

როგორც „ექსპრესნიუსს“ მთავრობის ადმინისტრაციის პრესსამსახურიდან აცნობეს, მხარეებმა სამომავლო თანამშრომლობის პერსპექტივები დასახეს.

„გვქონდა ძალიან კარგი შეხვედრა. ჩემი უკრაინელი კოლეგა ჩამოვიდა იმისთვის, რომ გავუზიაროთ ჩვენი გამოცდილება და ჩვენც გავიგოთ რა მიმართულებებით მუშაობენ ისინი. ძალიან საინტერესო საუბარი შედგა. მოგეხსენებათ, ბოლო 2 წლის განმავლობაში ბევრი ცვლილება განვახორციელეთ, როგორც ადმინისტრაციაში, ისე მთლიანად სახელმწიფო სტრუქტურებში. ვფიქრობ, საინტერესოა ჩვენი უკრაინელი კოლეგისთვის, თუ რა მიმართულებით ვახორციელებთ ცვლილებებს, რა შევცვალეთ და რა არის აუცილებელი ევროინტეგრაციის გზაზე. მოგეხსენებათ, ჩვენ მეტი გამოცდილება გვაქვს ამ მიმართულებით. საკმაოდ წარმატებულადაა შეფასებული ჩვენი რეფორმები. შევთავაზეთ ჩვენი სრული მხარდაჭერა და თანამშრომლობა. ასე რომ, იმედი გვაქვს, რომ ეს თანამშრომლობა აქტიური იქნება“,, - განაცხადა მაია ცქიტიშვილმა შეხვედრის დასრულების შემდეგ.

უკრაინის მინისტრთა კაბინეტისა და პრემიერ-მინისტრის აპარატის უფროსთან გამართულ შეხვედრას, ქართული მხრიდან,  მთავრობის ადმინისტრაციის უფროსის მოადგილე ნინო კობახიძე დაესწრო

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა