მთავრობის გადაწყვეტილებით, 2008 წლის შემდგომ გაჩერებული მშენებლობებისთვის დაგეგმილ საგადასახადო შეღავათებზე ისაუბრეს ფინანსთა სამინისტროსა და  სამშენებლო კომპანიების წარმომადგენლებმა სამინისტროში გამართულ სამუშაო შეხვედრაზე.

უწყების ინფრომაციით, შეხვედრას ფინანსთა მინისტრის პირველი მოადგილე, შემოსავლების სამსახურის უფროსი გიორგი თაბუაშვილი და ფინანსთა მინისტრის მოადგილე ლაშა ხუციშვილი დაესწრნენ.

შეხვედრაზე საგადასახადო კოდექსში შესატანი ცვლილებების პროექტზე და იმ კონკრეტულ ინსტრუმენტებზე იმსჯელეს, რომლებიც სამშენებლო კომპანიებს საშუალებას მისცემს  დაასრულონ მშენებლობები და შეასრულონ მოსახლეობის წინაშე აღებული ვალდებულებები.

როგორც აღინიშნა, შემოთავაზებული საგადასახადო შეღავათები წესდება სწორედ დარგის განვითარების ხელშეწყობისთვის, რაც თავის მხრივ, ხელს შეუწყობს ეკონომიკის განვითარებას და სამუშაო ადგილების შექმნას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა ირანის სრული საზღვაო ბლოკადის დაწესების შესახებ განაცხადა

მარნეულში მატარებელი ცხვრის ფარას შეეჯახა, მწყემსი დაჯარიმდა

სასკოლო ფორმების დიზაინი ცნობილია

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI