2016-04-11 17:37:09, 1177 ნახვა
მსოფლიო
უკრაინის პრეზიდენტის ადმინისტრაციის ხელმძღვანელი შესაძლოა, სააკაშვილი გახდეს
საქართველოს ყოფილი პრეზიდენტმა, ოდესის ოლქის გუბერნატორმა მიხეილ სააკაშვილმა შესაძლოა უკრაინის პრეზიდენტის ადმინისტრაციის ხელმძღვანელის პოსტი დაიკავოს.
ამის შესახებ ინფორმაციას უკრაინული მედია ავრცელებს.
პეტრო პოროშენკომ უმაღლეს რადას ახალი მთავრობის ფორმირებისთვის ერთკვირიანი ვადა მისცა, წინააღმდეგ შემთხვევაში უკრაინის პრეზიდენტი პარლამენტს დაშლის.
უკრაინული მედიის ინფორმაციით, იმ შემთხვევაში თუ პრეზიდენტის ადმინისტრაციის მოქმედი ხელმძღვანელი მთავრობაში გადაინაცვლებს, მის პოსტს ოდესის გუბერნატორი მიხეილ სააკაშვილი დაიკავებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
