ტუაფსეში დრონებით შეტევა იყო ნავთობგადამამუშავებელ ქარხანაზე. დაზიანებულია ტანკერი და ტერმინალი. კრასნოდარის მხარის ოპერატიულ შტაბში აცხადებენ, რომ ობიექტს დრონის ფრაგმენტები დაეცა და ცეცხლი გაჩნდა.

ორიოლის ოლქის გუბერნატორმა ანდრეი კლიჩკოვმა განაცხადა, რომ კვირას ღამით რეგიონში უკრაინის შეიარაღებული ძალების შვიდი დრონი ჩამოაგდეს.

„ნანგრევების ცვენის შედეგად, ქალაქ ორეოლში რამდენიმე შენობის ფანჯრები, კერძო მანქანები და დამხმარე შენობები დაზიანდა. მსხვერპლი არ ყოფილა“, - დაწერა კლიჩკოვმა Telegram-ზე.

ვოლგოგრადის ოლქის გუბერნატორმა ანდრეი ბოჩაროვმა განაცხადა, რომ რეგიონის ენერგეტიკულ ობიექტებზე უკრაინის შეიარაღებული ძალების დრონები შეიჭრნენ. მან დასძინა, რომ თავდასხმა საჰაერო თავდაცვის ძალებმა მოიგერიეს და არავინ დაშავებულა ან ზიანს არ მიუღია.

როსტოვის ოლქის გუბერნატორმა იური სლიუსარმა დრონით თავდასხმის შედეგად ორი დაშავებულის შესახებ განაცხადა.

„მიასნიკოვსკის რაიონის სოფელ ლენინავანში დრონით თავდასხმის შედეგად მანქანას ცეცხლი გაუჩნდა და ორი კერძო სახლი დაზიანდა. ხანძარი სწრაფად ჩააქრეს. რამდენიმე მეზობელ სახლში ფანჯრები ჩაიმსხვრა. „სამწუხაროდ, ორი ადამიანი დაშავდა“, - დაწერა სლიუსარმა თავის Telegram არხზე.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს