კრემლის პრესსპიკერი, დმიტრი პესკოვი უარყოფს, რომ რუსულმა დრონმა ჩერნობილის ატომური ელექტროსადგურის დამცავ სარკოფაგზე იერიში მიიტანა. 

"საუბარიც კი ვერ იქნება, რომ იერიშები ხდება ატომური ინფრასტრუქტურის, ბირთვული ენერგეტიკის ინფრასტრუქტურის რაღაც ობიექტებზე. ამიტომ, ნებისმიერი მტკიცება, რომ ეს ასე იყო, სინამდვილეს არ შეესაბამება. რუსი სამხედროები ამას არ აკეთებენ, არ აკეთებენ. საუბარია მორიგ პროვოკაციაზე, გაყალბებაზე. ეს არის სწორედ ის, რაც კიევის რეჟიმს უყვარს და, ზოგჯერ, რისი კეთებაც არ ერიდება". - თქვა პესკოვმა. 

მანამდე, უკრაინის პრეზიდენტმა, ვოლოდიმირ ზელენსკიმ თქვა, რომ 14 თებერვლის ღამით რუსულმა დრონმა ჩერნობილის განადგურებული ატომური ელექტროსადგურის დამცავი სარკოფაგი დააზიანა. მისივე თქმით, სადგურზე ამჟამად მონიტორინგი მიმდინარეობს და რადიაციის დონე ნორმის ფარგლებშია. 

უკრაინის საგანგებო სიტუაციების სახელმწიფო სამსახურმა (ГСЧС) ასევე გაავრცელა ცნობა, რომ ჩერნობილის ატომური ელექტროსადგურის დამცავ სარკოფაგზე რუსული დრონის იერიშის შემდეგ რადიაციის დონე ნორმის ფარგლებს არ გასცდენია. სამსახურის ცნობით, მონიტორინგი მიმდინარეობს და სიტუაცია კონტროლს ექვემდებარება.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება