სოციალურ ქსელ „ფეისბუქში“ სამხედრო მოსამსახურის ალექსანდრე ბერიშვილის მეუღლე, ქეთევან ბერიშვილი საქართველოს თავდაცვის მინისტრს მადლობას უხდის.

„მადლობა თავდაცვის სამინისტროს! მკურნალობის პირველი კურსი დაგვიფინანსეს და ველოდებით მეორე კურსის დაფინანსებას, რისთვისაც დიდ მადლობას ვუხდი თავდაცვის სამინისტროს და პირადად თავდაცვის მინისტრს, ბატონ ჯუანშერ ბურჭულაძეს“ - წერს ჯარისკაცის მეუღლე.

ქეთევან ბერიშვილმა დღეს, ასევე სოციალური ქსელით, ღია წერილით თავდაცვის მინისტრს მხარდაჭერისთვის მიმართა.

„მიმდინარე წლის ივნისში, სასროლეთიდან დაბრუნებული, სადაც ალექსანდრე ბერიშვილი მორიგ სამხედრო სწავლებას გადიოდა, შეუძლოდ გახდა, რის შემდეგაც გადაიყვანეს ინგოროყვას კლინიკაში, სადაც დაუდგინდა ინსულტი. ჩემმა მეუღლემ დაკარგა მოძრაობისა და მეტყველების უნარი, მუდმივად საჭიროებს მომვლელს. იძულებული გავხდი, სამსახური მიმეტოვებინა და მისთვის მომევლო. ამ ეტაპზე მას დანიშნული აქვს სარეაბილიტაციო კურსი, რაც 16 ათასი ლარი ღირს. მკურნალობის პირველი კურსი თავდაცვის სამინისტრომ დაგვიფინანსა და უკეთესობაც დაეტყო, მაგრამ მეორე კურსის ჩატარებას წეროვანის სარეაბილიტაციო ცენტრში გვთავაზობენ, თუმცა მისთვის საჭირო სამედიცინო მომსახურების მიღებას იგი შეძლებს „ნიუ ჰოსპიტალში“. აღნიშნულ სამედიცინო დაწესებულებაში მკურნალობის სრული კურსის ღირებულებაა 16 910 ლარი“, - აღნიშნავს სამხედროს მეუღლე.

როგორც ქეთევან ბერიშვილი წერს ღია წერილს უწყების მყისიერი რეაგირება მოჰყვა, თავდაცვის მინისტრმა სამხედრო მოსამსახურეს მკურნალობის მეორე კურსიც დაუფინანსა.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი