„ბელარუსის საბაჟო კავშირში გაწევრიანება საქართველოსა და ბელარუსს შორის პარტნიორობას ხელს არ შეუშლის“, – ამის შესახებ საქართველოს ვიცე–პრემიერმა კახი კალაძემ ჟურნალისტებს „თბილისი მერიოტში“ განუცხადა, სადაც საქართველო–ბელორუსის ბიზნეს ფორუმი მიმდინარეობს.
მისივე მტკიცებით, საქართველო–ბელარუსს შორის საკმაოდ კარგი ურთიერთობაა და ამ ბისნეფორუმით ეს პარტნიორობა კიდევ უფრო გაღრმავდება.  
კალაძის თქმით, ქვეყნებს შორის სავაჭრო ბრუნვა მუდმივად იზრდება და ბელარუსის ბიზნეს კომპანიების მხრიდან ძალიანდ დიდი დაინტერესებაა, რომ საქართველოში სხვადასხვა მიმართულებით ინვესტიციები განახორციელონ.
 „არამგონია ბელარუსის საბაჟო კავშირში გაწევრიანებამ რაიმე პრობლემა შეგვიქმნას. მეტიც,  შეიძლება უფრო ნაყოფიერიც და საინტერესოც იყოს. თქვენ იცით, რომ ჩვენი მიმართულება არის ევროკავშირი, ეს არის ქართველი ხალხის არჩევანი და ჩვენ ყველაფერს ვაკეთებთ, რომ ამ მიმართულებით, რომ რაც შეიძლება სწრაფად შევუერთდეთ იმ ოჯახს, რომელსაც ევროკავშირი ჰქვია“,– აღნიშნა კალაძემ.  
ცნობისთვის, „თბილისი მერიოტში“ საქართველო–ბელორუსის ბიზნეს ფორუმი მიმდინარეობს, რომელიც ორი ქვეყნის სავაჭრო–სამრეწველო პალატის ორგანიზებით იმართება.
ფორუმი საქართველოსა და ბელარუსის სავაჭრო–სამრეწველო პალატის პრეზიდენტებმა გახსნეს. მონაწილეებს სიტყვით მნიმართეს ბელორუსისა და საქართველოს ვიცე–პრემიერებმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს