„თავისუფალი დემოკრატების“ წევრმა ზურაბ აბაშიძემ პარლამენტის საკომიტეტო სხდომა, სადაც ქვეყანაში მიმდინარე ეკონომიკურ მოვლენებზე მთავრობის წევრებს უსმენენ, პროტესტის ნიშნად დატოვა.

როგორც აბაშიძემ ჟურნალისტებს განუცხადა, ეს საკომიტეტო მოსმენა არის საპარლამენტო უმრავლესობის მცდელობა, პრეზიდენტის მიერ ჩანიშნული ხვალინდელი რიგგარეშე სხდომა გადაფარონ.

„ეს არის უმრავლესობის უბადრუკი მცდელობა, ხვალინდელი რიგგარეშე სხდომა გადაფარონ, რომელიც პრეზიდენტმა მოიწვია და რომელიც აუცილებლად უნდა გაიმართოს იმისათვის, რომ ისეთ მნიშვნელოვან საკითხებზე, რომლებიც ქვეყნის ეკონომიკასა და სავალუტო კრიზისს ეხება. ნახეთ რამხელა ინტერესია დღევანდელი დღისადმი და სწორედ დღევანდელი დღით უნდა უმრავლესობას ხვალინდელ დღეზე უარი თქვას. ეს თავისთავად აზიანებს სახელმწიფოს, საზოგადოების ინტერესებს. აქედან გამომდინარე, ჩვენ ვერ ვხედავთ იმის აუცილებლობას, რომ ამ კომიტეტის სხდომაში მონაწილეობა მივიღოთ“, - აღნიშნა აბაშიძემ.

მან მთავრობის წევრებს და ასევე საპარლამენტო უმრავლესობის წარმომადგენლებს მოუწოდა, ხვალინდელ რიგგარეშე სხდომას დაესწრონ.

„მოვუწოდებ ყველას, მთავრობას, ამავდროულად უმრავლესობის წარმომადგენლებს, ხვალ ჩამოვიდნენ ქუთაისში, საქართველოს პარლამენტის რიგგარეშე სხდომაზე, რომელიც საქართველოს პრეზიდენტმა მოიწვია. სწორედ იქ უნდა ვიმსჯელოთ ამ საკითხებზე. ეს არის „თავისუფალი დემოკრატების“ ძალიან ღია და ნათელი დამოკიდებულება ამ საკითხისადმი“, - განაცხადა ზურაბ აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული