"ჩვენი ქვეყნის, ჩვენი მთავრობის მიმართ ნდობა  იზრდება, რაც კარგი ნიშანია“,-ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომის დაწყებისას განაცხადა.

მისივე თქმით,  მიუხედავად იმისა, რომ  მთლიანად რეგიონში   რთული ვითარებაა, საქართველოში პირდაპირი ინვესტიციების ზრდის ტენდენციაა.

„მინდა ვისაუბრო გუშინ გავრცელებულ ინფორმაციაზე, ეს ეხება საქართველოში პირდაპირი უცხოური ინვესტიციების ზრდას, მიმაჩნია, რომ ეს იძლევა ოპტიმიზმის საფუძველს, მითუმეტეს თუ გავითვალისწინებთ რეგიონში არსებულ რთულ ვითარებას. რთულ პოლიტიკურ და ეკონომიკურ ვითარებას ჩვენს მეზობელ სახელმწიფოებში, რაც ყველას შეეხო და მათ შორის საქართველოს. ამ ფონზე აღსანიშნავი არის, რომ ინვესტიციების ზრდის ტენდენციაა, ეს ნიშნავს, რომ ჩვენი ქვეყნის მიმართ ნდობა, ჩვენი მთავრობის მიმართ იზრდება,  რაც კარგი ნიშანია. გასულ წელს პირდაპირმა უცხოურმა ინვესტიციებმა შეადგინა 1 272 მილიონი დოლარი, რაც 39%-ით აღემატება 2013 წლის წინასწარ მონაცემებს. ყველაზე მეტი ინვესტიცია ტრანსპორტში და კავშირგაბმულობაში განხორციელდა და შეადგინა 343 მიულიონი აშშ დოლარი. მეორე ადგილზე არის მშენებლობა 295 მილიონი დოლარით. შარშან მართლაც მშენებლობის ბუმი იყო საქართველოში, გასული 5 წლის განმავლობაში ეს მნიშვნელოვანი ზრდა იყო. მრეწველობაში 174 მილიონი ინვესტიციე განხორციელდა“,-განაცხადა ირაკლი ღარიბაშვილმა.

მთავრობის დღევანდელ სხდომაზე მინისტრები სულ 23 საკითხს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს