აშშ-მ ე.წ. პანამის დოკუმენტების საფუძველზე შესაძლოა რუსეთის წინააღმდეგ მოქმედი სანქციები გააფართოოს, - ამის შესახებ სააგენტო Bloomberg წყაროზე დაყრდნობით იტყობინება.

მედია საშუალების ინფორმაციით, აშშ-ის ხელისუფლება „პანამის დოკუმენტების“ შესწავლას დაიწყებს, რათა ინფორმაცია იმ პირებზე მოიპოვოს, რომლებიც კომპანიებსა თუ კერძო პირებს, რუსეთის წინააღმდეგ მოქმედი სანქციების აცილებაში ეხმარებოდნენ.

აღნიშნული პირები შესაძლოა, სამომავლოდ აშშ-ის ფინანსთა სამინისტროს დაწესებულ სასანქციო "შავ სიაში" მოხვდნენ.

Bloomberg ვარაუდობს, რომ უწყება აღნიშნულ სიას ივნისში გამოაქვეყნებს.

აღსანიშნავია, რომ აშშ-ის იუსტიციის სამინისტრომ ერთხელ უკვე გააფართოვა რუსეთის საწინააღმდეგო სანქციების სია, რომელთა რიცხვში რუსეთის იურიდიული და ფიზიკური პირები იყვნენ შესულები.

ცნობისთვის, დოკუმენტში 72 ყოფილი და მოქმედი ქვეყნის მმართველია მოხსენიებული.

შეგახსენებთ, რომ ე.წ. პანამის დოკუმენტების თანახმად, რუსეთის პრეზიდენტის ვლადიმერ პუტინთან დაახლოებულმა პირებმა ოფშორების საშუალებით რუსეთიდან სულ მცირე 2 მილიარდი აშშ დოლარი გაიტანეს.

აღნიშნულ საქმეში ფიგურირებს პუტინის ახლო მეგობარი, ვიოლონჩელისტი სერგეი როლდუგინი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა