მინეაპოლისში, კათოლიკურ სკოლაში სროლის შედეგად ორი ბავშვი, 8 და 10 წლის, დაიღუპა. კიდევ 17 ადამიანი, მათ შორის 14 ბავშვი, დაიჭრა. მათგან ორი მოსწავლე კრიტიკულ მდგომარეობაშია.

ხარების სკოლა 14 წლამდე ასაკის ბავშვებს ემსახურება.

ოთხშაბათს დილით, შეიარაღებულმა პირმა ცეცხლი გახსნა სკოლის სამლოცველოს ფანჯრებზე, სადაც მოსწავლეები სასწავლო კვირის დაწყების აღსანიშნავად წირვაზე იყვნენ შეკრებილები. პოლიციის ცნობით, თავდამსხმელს შაშხანა, თოფი და პისტოლეტი ჰქონდა და რამდენიმე ათეული გასროლა განახორციელა. შემდეგ კი თავი მოიკლა.

მედიის ცნობით, შეიარაღებული პირი 22 წლის ტრანსგენდერი რობინ ვესტმანია. ინტერნეტი მის მანიფესტს ციტირებს, რომელიც თავდასხმამდე გამოქვეყნდა და რომელიც სიტყვებით იწყება: „მიყვარხართ ყველანი და მადლიერი ვარ თქვენთან გატარებული დროისთვის“. ვესტმანი სოციალურ მედიაში იარაღითა და მასობრივი სროლებით შეპყრობილ ადამიანად, ასევე დონალდ ტრამპის მოწინააღმდეგედ არის წარმოჩენილი.

თუმცა, პოლიციას ჯერ არ გაუკეთებია კომენტარი დამნაშავის შესაძლო მოტივებზე.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო