დნეპროპეტროვსკის ოლქის ქალაქ პავლოგრადზე რუსეთის თავდასხმას ერთი ადამიანი ემსხვერპლა, დაშავდა 40. ამის შესახებ ინფორმაციას ოლქის გუბერნატორი სერხი ლისაკი ავრცელებს.

ლისაკის თქმით, დაშავებულთა შორის 11 და 4 წლის 2 ბიჭი და 9 წლის გოგო არიან, საავადმყოფოში გადაყვანილი 2 მოქალაქის მდგომარეობა კი, მძიმეა.

"რუსეთის ძალებმა, სავარაუდოდ, ვორონეჟისა და როსტოვის ოლქებიდან 5 "ისკანდერ-მ"-ის ტიპის ან KN-23-ის ტიპის ჩრდილოეთ კორეის ბალისტიკური რაკეტა გაუშვეს, რომლებითაც ქალაქის სამოქალაქო ინფრასტრუქტურას ადგილობრივი დროით, დაახლოებით, დილის 10 საათზე დაარტყეს", - განაცხადეს უკრაინის საჰაერო ძალებში.

როგორც ლისაკმა აღნიშნა, სასწრაფო დახმარების სამსახურებმა ცეცხლის ლიკვიდირება შეძლეს და 5 ადამიანი გადაარჩინეს. 

სხვა დეტალები ამ დროისთვის არ ვრცელდება.

ავტორი: ექსპრესნიუსი,

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ