აჭარის ჯანდაცვის სამინისტროსა და ამერიკული პროგრამის - S.T.A.B.L.E. წარმომადგენლებს შორის სამუშაო შეხვედრა გაიმართა. ამის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, აჭარის ჯანმრთელობისა და სოციალური დაცვის სამინისტროში გამართულ შეხვედრას აჭარის ჯანდაცვის მინისტრი ნინო ნიჟარაძე, პირველი მოადგილე მარი ზანაქიძე, მოადგილე ზურაბ თენიეშვილი, კოლუმბიის უნივერსიტეტის სამედიცინო ცენტრის ახალშობილთა ინტენსიური მოვლის სამსახურის ხელმძღვანელი, ჯონ პარდოლოსი და პედიატრი, ნეონატოლოგი, სთეიბლის ტრენერი დავით კვირკველიძე ესწრებოდნენ. 

"შეხვედრის მიზანს წარმოადგენდა, პროგრამის შესახებ ინფორმაციის მიწოდება, ინფორმაციის გაცვლა და სამომავლო გეგმების გაცნობა. პროგრამა აკრედიტებულია საქართველოს ჯანდაცვის სამინისტროს მიერ, როგორც ექიმთა უწყვეტი სამედიცინო განათლების პროგრამა. აჭარაში განიხილება რეგიონული პერინატალური მედიცინის ტრენინგ ცენტრის გახსნა, რომლის საშუალებით მოხდება პერინატოლოგების, პედიატრების და ამ მიმართულებით დასაქმებული სხვა სამედიცინო პერსონალის გადადამზადება.

პროგრამა S.T.A.B.L.E. ორიენტირებულია სამშობიარო ბლოკში ახალშობილის რეანიმაციისა და ბლოკის შემდგომი პერიოდის სტაბილიზაციის ძირითადი პრინციპების სწავლებაზე.

პროგრამა 1996 წელს დაინერგა აშშ-სა და კანადაში, მოგვინებით გაიზარდა მისი მასშტაბები, ამჟამად მოიცავს ინსტრუქტორთა ტრენინგ-კურსებს 45-ზე მეტ ქვეყანაში.

შეხვედრის დასასრულს, მხარეები თანამშრომლობაზე შეთანხმდნენ და აჭარაში საპილოტედ პროექტის განხორციელებაზე მზაობა გამოთქვეს", - ნათქვამია აჭარის ჯანდაცვის სამინისტროს ინფორმაციაში.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი