2015-07-18 14:44:58, 558 ნახვა
სამართალი
მთავრობის ადმინისტრაციასთან ოკუპაციის წინააღმდეგ დაგეგმილი აქციის ერთ-ერთი ორგანიზატორი დააკავეს
მთავრობის ადმინისტრაციის შენობასთან მცოცავი ოკუპაციის წინააღმდეგ დაგეგმილი აქციის ერთ-ერთი ორგანიზატორი, ლექსო მაჭავარიანი, დააკავეს.
როგორც „ექსპრესნიუსს“ შინაგან საქმეთა სამინისტროს საზოგაოდებასთან ურთიერთობის სამსახურში განუცხადეს, მაჭავარიანი ადმინისტრაციულ სამართალდარღვევათა კოდექსის 173-ე მუხლით არის დაკავებული, რაც პოლიციისთვის წინააღმდეგობის გაწევას გულისხმობს.
აქცია - „STOP RUSSIA“, სადაც მცოცავ ოკუპაციას გააპროტესტებენ მთავრობის ადმინისტრაციასთან 18:00 საათზეა დაგეგმილი. ადგილზე აქციისთვის მოსამზადებელი სამუშაოები მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
