თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, თბილისის ინფექციურ საავადმყოფოში მოთავსებული პაციენტებიდან 4-ის მდგომარეობა მძიმეა.

მისი თქმით, მეოთხე პაციენტის მძიმე მდგომარეობას ორმხრივი მძიმე პნევმონია და თანარსებული დაავადება განაპირობებს.

„რამდენიმე დღეა ჩვენ გვყავს სამი მძიმე პაციენტი, გუშინ დაგვემატა ერთი ახალი პაციენტი ამ ორი შემოსული პაციენტიდან, რომელთაგან ერთის მდგომარეობა მძიმეა. ამ სიმძიმეს განაპირობებს ორმხრივი მძიმე პნევმონია სუნთქვის უკმარისობით და თანარსებული დაავადება წინადეფიციტური ანემიის სახით. ამ პირთან გუშინდელის შემდეგ, მდგომარეობის პროგრესირება არ ყოფილა და სიტუაცია სტაბილურია.

დანარჩენ სამ პაციენტს რაც შეეხება, ერთი ქალბატონი, რომელსაც პნევმონიებთან ერთად აქვს ჰიპერტონული დაავადება, მისი მდგომარეობა რამდენიმე დღეა სტაბილურია და შეიძლება ვთქვათ, რომ ალბათ, გადაილახა სიმძიმის პერიოდი და გამოსავალი კეთილსაიმედო უნდა იყოს. ერთი არის ასაკოვანი ქალბატონი, რომელთანაც გვაქვს მძიმე სიტუაცია იმ მხრივ, რომ გარდა ორმხრივი პნევმონიისა, აქვს თანარსებული დაავდება, გულის უკმარისობა და მძიმე ნევროლოგიური დაავადება, მასთან კვლავ მძიმე მდგომარეობა რჩება, მაგრამ მკვეთრი გაუარესება არ შეიმჩნევა.მესამე მძიმე ავადმყოფი არის თანარსებული დიაბეტის ფონზე განვითარებული მძიმე პნევმონია, მასთან დაავადება მინიმალურია, მაგრამ მაინც პროგრესირებს“, - განაცხადა მარინა ეზუგბაიამ.  

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს