სტრასბურგის სასამართლომ “უცხოეთის აგენტების რეგისტრაციის აქტზე“ ე.წ. (FARA) ახალგაზრდა იურისტთა ასოციაციის და მედია ორგანიზაციების ერთობლივი საჩივრის არსებითი განხილვა დაიწყო და სახელმწიფოს კითხვები გამოუგზავნა. (მომჩივნები: საია, ,,სტუდია მონიტორი” და ,,საქართველოს ამბები”).

 ინფორმაციას „ახალგაზრდა იურისტთა ასოციაცია“ ავრცელებს.

საიას თავმჯდომარე, თამარ ონიანი სოციალურ ქსელში წერს, რომ 1-ელ აპრილს საია საზოგადოებას მეტ დეტალს მიაწვდიან საქმის არსის და ევროპული სასამართლოს მიერ დასმული შეკითხვების შესახებ.

„ზუსტად ერთი წლის წინ, 2025 წლის 1 აპრილს, მიიღეს კიდევ ერთი კანონი (FARA), რომელიც სამოქალაქო და მედია ორგანიზაციების, უფლებადამცველების შევიწროების იარაღად არის გამიზნული ქართულ რეალობაში.

მათ შორის, სწორედ ამ ცვლილებებმა დააინიციირა სისხლისსამართლებრივი დევნის შესაძლებლობა ამ კონტექსტში პირველად.

1 წლის თავზე სტრასბურგის სასამართლო ამ საქმის განხილვას იწყებს.

2026 წლის პირველ აპრილს, საზოგადოებას მივაწოდებთ მეტ დეტალს ამ საქმის არსის, და ევროპული სასამართლოს მიერ დასმული შეკითხვების შესახებ“, - წერს ონიანი.

ამ თემაზე, 1-ელ აპრილს, 11:00 საათზე, საიაში პრესკონფერენცია გაიმართება. მისამართი: თბილისი, ჯანსუღ კახიძის №15

ავტორი: ექსპრესნიუსი,

სოციალური ქსელები

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად