ირანმა პირველად დაადასტურა, რომ რუსეთს დრონები გადასცა. შესაბამისი განცხადება, Reuters-ის ცნობით, საგარეო საქმეთა მინისტრმა ჰოსეინ აბდოლაჰიანმა გააკეთა.

აბდოლაჰიანის თქმით, თეირანმა მოსკოვს თვითმფრინავების მხოლოდ „მცირე“ რაოდენობა მიაწოდა. ამასთან, მიწოდება განხორციელდა უკრაინაში რუსეთის შეჭრამდე რამდენიმე თვით ადრე, აცხადებს მინისტრი.

აბდოლაჰიანმა ასევე ხაზგასმით აღნიშნა, რომ ირანი თავს არ თვლის უკრაინაში კონფლიქტის მხარედ და რომ თუ თეირანს წარუდგინეს ომში უპილოტო თვითმფრინავების გამოყენების მტკიცებულებები, ქვეყანა "გულგრილი არ დარჩება". მან აღნიშნა, რომ ირანსა და უკრაინას აქვთ შეთანხმებები მსგავსი მტკიცებულებების წარდგენის შესახებ.

მანამდე ირანის ხელისუფლებამ არაერთხელ უარყო რუსეთის ფედერაციას უპილოტო თვითმფრინავების მიწოდება. ამავდროულად, უკრაინის შეიარაღებული ძალები თითქმის ყოველდღე იუწყებიან ირანული წარმოების დრონების განადგურების შესახებ.

ოქტომბერში არაერთი ამერიკული მედია წყაროზე დაყრდნობით წერდა, რომ ირანი რუსეთს ბალისტიკურ რაკეტებს გადასცემს - შესაბამისი შეთანხმება, Reuters-ის ცნობით, 6 ოქტომბერს დაიდო.

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო