დღე-დღეზე სასექსების წყვილის სკანდალური ინტერვიუ მზის შუქს იხილავს. საუბარი ოპრა უინფისითან ერთ-ერთ ყველაზე პოპულარულ ამერიკულ ჟურნალში შედგა, რომლის ჩანაწერის შემდეგ, ტელეწამყვანმა დაწერა, რომ „შოკირებულია გაგონილით“. ამ ინტერვიუს, ბრიტანეთის მონარქიის ოჯახის წყლის გამყოფს უკვე უწოდებენ. ინტერვიუს ანონსიდან ვიგებთ, რომ საუბარი მეტწილად ბუკინგემის სასახლეში ცხოვრების ნიუანსებზე წარიმართა. მაყურებლები ელოდებიან, რომ მეგანი და ჰარი სასახლიდან წამოსვლის ნამდვილ მიზეზებზე ისაუბრებენ. აქამდე წყვილი დეტალებზე საუბრისგან თავს, სამეფო კარის რეგლამენტის გამო იკავებდა. ახლა, როცა სასექსებს პრაქტიკულად ყველა სამეფო რეგალია ჩამოართვეს, მათ სიმართლის თქმისგან არაფერი აბრკოლებს. „მინდა ხმამაღლა ვთქვა ყველას გასაგონად: აქ აკრძალული თემები არ არსებობს",-ამბობს უინფრი ინტერვიუს ხანმოკლე ტიზერში. „დუმილი თვითონ არჩიე, თუ დაგაძალეს",- ეკითხება ტელეწამყვანი მარკლს ინტერვიუს დროს. ტრეილერის სახელია „რთულია გადარჩე", სავარაუდოდ, ეს ინტერვიუდან ამოღებული ფრაზაა. ინტერვიუსთვის მეგან მარკლმა, რომელიც ფეხმძიმობას აღარ მალავს, არმანის კაბა, Aquazzura-ს ფეხსაცმელი, Cartier-ის სამაჯური და Birks-ის საყურე შეარჩია, რითაც მოდის ბლოგერებისგან მოწონება დაიმსახურა. ბევრი ინსაიდერი თვლის, რომ სასექსები ამ ინტერვიუთი სამეფო კართან ურთიერთობებს საბოლოოდ „გაანადგურებენ". მეორეს მხრივ, წყვილი ზუსტად ამისთვის წლებია იბრძვის. სკანდალური ინტერვიუ ამ დღეებში სრულად გამოვა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი