პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში შუალედური სამთო მომზადების ზაფხულის კურსი დღეს ოფიციალურად დასრულდა. 
თავდაცვის სამინისტროს ინფორმაციით, ნატოს პროგრამა „პარტნიორობა მშვიდობისათვის“ (PFP) ფარგლებში გამართული სწავლების დახურვის ცერემონიალი საჩხერის სამთო მომზადების სკოლის სამწყობრო მოედანზე გაიმართა. კურსდამთავრებულებს სამთო სწავლების წარმატებით დასრულება გენერალური შტაბის უფროსის მოადგილემ, პოლკოვნიკმა ომარ ბეგოიძემ,  ნატოს სამხედრო მეკავშირე ოფიცერმა, პოლკოვნიკმა მაქსიმილიან ედერმა და წვრთნებისა და სამხედრო განათლების სარდლობის შტაბის უფროსმა, პოლკოვნიკმა როინ ფაილოძემ მიულოცეს. მათ სამხედრო მოსამსახურეებს წარმატებები უსურვეს და კურსის დამამთავრებელი შესაბამისი სერტიფიკატები, ჯილდოები და სამკერდე ნიშნები გადასცეს. ღონისძიებას საფრანგეთის თავდაცვის ახალი  ატაშე საქართველოში, ვიცე-პოლკოვნიკი ოლივიე მადიოც დაესწრო.
უწყების ცნობით, შუალედური სამთო მომზადების ზაფხულის კურსი ოთხი კვირის განმავლობაში მიმდინარეობდა. კურსში მონაწილე ოთხი ქვეყნის - სომხეთის, ლატვიის, უკრაინისა და იორდანიის 12 სამხედრო მოსამსახურეს სწავლება ქართველმა ინსტრუქტორებმა ჩაუტარეს. კურსის პირველ ეტაპზე მსმენელებმა საბაზისო კურსის ფარგლებში შესწავლილი უნარ-ჩვევები გაიხსენეს. მეორე ეტაპი მაღალ მთაში და ყინულოვან რელიეფზე გადაადგილების ხერხებს, დაბრკოლების გადალახვის ტექნიკას,  დაზარალებულის დახმარებასა და ევაკუაციას დაეთმო.
მსმენელებმა პრაქტიკული მეცადინეობა ყაზბეგში, ზღვის დონიდან 4300 მეტრის სიმაღლეზე, მყინვარწვერზე გაიარეს. პრაქტიკული მომზადების ფარგლებში, სამთო მომზადების სკოლის ინსტრუქტორებმა და მსმენელებმა უცხოელი ტურისტის სიცოცხლე იხსნეს. მათ მყინვარწვერის ტერიტორიაზე მყოფი პოლონეთის მოქალაქე ნაპრალიდან ამოიყვანეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული