2020-03-23 13:16:52, 4603 ნახვა
ომი უკრაინაში
ეკატერინე ტიკარაძე - ოთხშაბათიდან შესაძლებელი იქნება მოსახლეობის მიზნობრივი ტესტირება
„ოთხშაბათიდან ჩვენ შეგვიძლია დავიწყოთ მოსახლეობის მიზნობრივი ტესტირება“, - ამის შესახებ ჯანდაცვის მინისტრმა ეკატერინე ტიკარაძემ განაცხადა.
მისი თქმით, ტესტების შემოტანა ოთხ ეტაპად მოხდება.
„როგორც ჩვენ დავაანონსეთ, ხვალ ველოდებით უკვე საქართველოში ტესტების შემოტანას. რაც იმას ნიშნავს, რომ ოთხშაბათიდან ჩვენ შეგვიძლია დავიწყოთ მოსახლეობის მიზნობრივი ტესტირება. რა თქმა უნდა, ეს ძალიან დაეხმარება ჩვენ ექიმებს და ასევე ეპიდემიოლოგებს იმისათვის, რომ მათ დროულად აღმოაჩინონ კორონავირუსის არსებობა. ტესტების შემოტანა მოხდება ოთხ ეტაპად. ჩვენ ველოდებით ტესტებს ხვალ, შემდეგ ველოდებით 27-ში და ასევე არის გადანაწილებული და ბოლო შემოტანას ველოდებით 5 მარტისთვის და რაოდენობა არის საკმარისი იმისათვის, რომ მოხდეს საკმაოდ დიდი ჯგუფების გატესტვა“, - განაცხადა ეკატერინე ტიკარაძემ.
ავტორი: ექსპრესნიუსი,
epn.ge (@expressnews.ge)
