თავდაცვის უწყების ხელმძღვანელობამ საქართველოს შეიარაღებული ძალების დღე ტელეხიდით ავღანეთში მყოფ სამხედრო მოსამსახურეებს მიულოცა.

როგორც „ექსპრესნიუსს“ თავდაცვის სამინისტროდან აცნობეს, მინისტრის მოვალეობის შემსრულებელმა მინდია ჯანელიძემ და გენერალური შტაბის უფროსმა, გენერალ-მაიორმა ვახტანგ კაპანაძემ მართვის ცენტრიდან ვიდეოკონფერენციის საშუალებით „მტკიცე მხარდაჭერის“ მისიაში მონაწილე ქართველ სამხედროებს მიმართეს და წარმატებები უსურვეს. მათ ქაბულში საქართველოს სამხედრო წარმომადგენლობას, ბაგრამის საავიაციო ბაზაზე IV მექანიზირებული ბრიგადის 43-ე ბატალიონის სამხედრო მოსამსახურეებს და მაზარ-ე-შარიფში „მარმალის“ ბაზაზე დისლოცირებულ 31-ე ბატალიონის ასეულს საერთაშორისო უსაფრთხოების უზრუნველყოფაში შეტანილი წვლილისთვის მადლობა გადაუხადეს და სამშობლოში მშვიდობით დაბრუნება უსურვეს.

თავდაცვის უწყების ხელმძღვანელებმა ვიდეოჩართვით საქართველოს შეიარაღებული ძალების ყველა სამხედრო ქვედანაყოფს მიმართეს.

საქართველოს შეიარაღებული ძალების დღე სამხედროებს, ავღანეთში მყოფი ქართული კონტინგენტის პირადი შემადგენლობის სახელით, საქართველოს უმაღლესმა სამხედრო წარმომადგენელმა ავღანეთის ისლამურ რესპუბლიკაში, პოლკოვნიკმა მამუკა ქავთარაძემაც მიულოცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი