უკრაინის ქალაქ დნეპრის მერი ბორის ფილატოვი ოდესის ოლქის ყოფილი გუბერნატორის, საქართველოს ექს-პრეზიდენტის მიხეილს სააკაშვილის დეპორტაციას ითხოვს, - ამის შესახებ ბორის ფილატოვი Facebook-ის საკუთარ გვერდზე წერს. 

როგორც ფილატოვი წერს, მისი უკმაყოფილების მიზეზი მიხეილ სააკაშვილის მიერ მიტინგზე გაკეთებული განცხადება გახდა, იმასთან დაკავშირებით, რომ უკრაინაში დეცენტრალიზაცია საჭირო არ არის. 

ფილატოვის თქმით, თუ მიხეილ სააკაშვილი მართლაც ამბობს ამას, მაშინ ის ეწერება მათ რიცხვში, ვინც ყოფილი გუბერნატორის ექსტრადირებას ითხოვს.

ამასთან, ბორის ფილატოვი მიხეილ სააკაშვილისთვის იძულებით ფსიქიატრიული ექსპერტიზის ჩატარებასა და ნარკოტიკზე შემოწმებას ითხოვს. 

დნეპრის მერის თქმით, უკრაინაში კორუფციის წინააღმდეგ ბრძოლის მოდელი პუტინის მოდელისგან არ განსხვავდება.

“რით განსხვავდება მიშას პოლიტიკა მოძულე პუტინის პოლიტიკისგან?! ადამიანმა, რომელმაც მთლიანად წააგო თავის ქვეყანა, ახლა იგივეს გაკეთება უნდა ჩვენს ქვეყანაში. და საერთოდ, მას სჭირდება იძულებითი ფსიქიატრიული ექსპერტიზა. ის ავად არის და ძალიან საშიშია. ასევე მისი ნარკოტიკებზე შემოწმება არ იქნებოდა ცუდი”, - წერს ბორის ფილატოვი “ფეისბუქში”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი