“დონალდ ტრამპს, რომელიც უკვე ამერიკის შეერთებული შტატების პრეზიდენტია, მთელი ამერიკული მედია დასცინოდა. კლინტონის ბიუჯეტის 90%-ი ტრამპის დაცინვის კამპანიაზე დაიხარჯა“, - ამის შესახებ პატრიოტთა ალიანსის გენერალური მდივანი ირმა ინაშვილი Facebook-ის საკუთარ გვერდზე წერს.

“დონალდ ტრამპს, რომელიც უკვე ამერიკის შეერთებული შტატების პრეზიდენტია, მთელი ამერიკული მედია დასცინოდა, აბუჩად იგდებდა, აშაყირებდა. კლინტონის ბიუჯეტის 90%-ი ტრამპის დაცინვის კამპანიაზე დაიხარჯა. დასცინოდნენ ტრამპის ვარცხნილობას, გამონათქვამებს, მანერებსა და ოჯახს. დახვეწილი პოლიტიკოსი - ჰილარი წავიდა იმ გზით, რაზეც გაცვეთილმა ბიზნესმენმა - ტრამპმა უარი თქვა. და შედეგი? ამერიკამ აირჩია ტრამპი, ანუ დაცინვის ობიექტი. საერთოდ, დაცინვა (და არა იუმორი, ან სარკაზმი) მოდურ სტილად ქართულ ტელე თუ სოციალურ სივრცეშიც იქცა. იცინიან ყველასა და ყველაფერზე. არ ერიდებიან საკუთარი გაუნათლებლობისა თუ უვიცობის ტირაჟირებას. არ ერიდებიან ჟურნალისტური თუ, უბრალოდ, მორალური სტანდარტების დარღვევას. იცინიან ისტორიაზე, რომელიც არ წაუკითხავთ. რელიგიაზე, რომლის არსშიც ვერ გარკვეულან. ადამიანებზე, რომელთა ფრაზებსაც ნაწილ- ნაწილ ჭრიან სხვადასხვა თემატური გადაცემებიდან. ვითომ აცინებენ და სინამდვილეში წამლავენ ახალ თაობას. ასე მიზანმიმართულად, მწყობრად ცდილობენ გამოგვაცხადონ არანორმალურებად, გიჟებად და საკუთარ თავზე შეყვარებულ იდიოტებად. ეს ქართულ რეალობაში ამერიკული... უფრო სწორად, კლინტონის მიერ მხარდაჭერილი და დაფინანსებული დაცინვის სტილის კოპირებაა, რასაც 2 დღის წინ ამერიკელმა ხალხმა უარი უთხრა და უკანალში პანღურიც ამოარტყა”, - წერს ინაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი