უნგრეთის საგარეო საქმეთა მინისტრი, პიტერ სიიარტო ადასტურებს, რომ რუსეთის საგარეო საქმეთა მინისტრს სერგეი ლავროვს ევროკავშირის შეხვედრების დროს ხშირად უკავშირდებოდა.

პიტერ სიიარტოს კომენტარს Euronews ავრცელებს.

"დიახ, არის საკითხები, რომლებიც აუცილებლად უნდა განვიხილოთ ჩვენს პარტნიორებთან ევროპის კავშირის ფარგლებს გარეთ. მე ვესაუბრები არა მხოლოდ რუსეთის საგარეო საქმეთა მინისტრს, არამედ ჩვენს ამერიკელ, თურქ, ისრაელელ, სერბ და სხვა პარტნიორებსაც ევროკავშირის შეხვედრებამდე და შემდეგ. რასაც მე ვამბობ, შეიძლება მკაცრად ჟღერდეს, მაგრამ დიპლომატია ნიშნავს სხვა ქვეყნების ლიდერებთან საუბარს", - აცხადებს სიიარტო.

ცნობისთვის, ამერიკულმა გამოცემა Washington Post-მა ევროპელ მაღალჩინოსნებზე დაყრდნობით დაწერა, რომ უნგრეთის საგარეო საქმეთა მინისტრი პიტერ სიიარტო რუსეთის საგარეო საქმეთა მინისტრს სერგეი ლავროვს ევროკავშირის შეხვედრების მიმდინარეობის შესახებ ცნობებს რეგულარულად აწვდიდა.

გამოცემის წყაროს ცნობით, სიიარტო ევროკავშირის შეხვედრების შესვენებების დროს ლავროვს ხშირად ურეკავდა, რათა მისთვის განხილული საკითხების და შესაძლო გადაწყვეტილებების შესახებ ცნობები მიეწოდებინა.

Washington Post-თან ოფიციალურმა პირებმა აღნიშნეს, რომ ასეთი ფარული ზარების წყალობით, "მრავალი წლის განმავლობაში ევროკავშირის ყველა შეხვედრაზე მოსკოვი ფაქტობრივად მოლაპარაკებების მაგიდასთან იმყოფებოდა".

WP წერს, რომ რუსეთის მიერ უკრაინაში სრულმასშტაბიანი შეჭრის შემდეგ, სიიარტომ მოსკოვში 16 ოფიციალური ვიზიტი განახორციელა, რომელთაგან ბოლო 2026 წლის 4 მარტს შედგა, როდესაც ის პუტინს შეხვდა. 

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი