ბოლო მონაცემებით, შობის წინა ღამეს, სასწრაფო სამედიცინო დახმარების 1668
გამოძახება ფიქსირდება.

ამის შესახებ „ექსპრესნიუსს“ სასწრაფო სამედიცინო დახმარების ცენტრის ჰოსპიტალიზაციის სამმართველოს უფროსმა მარიკა ხატაშვილმა განუცხადა.

მისი თქმით, გამოძახებებიდან 422-ს ჰოსპიტალიზაცია დასჭირდა.

როგორც მარიკა ხატაშვილმა განმარტა, მათგან 14 ადამიანი საავადმყოფოში  ალკოჰოლური და კვებითი ინტოქსიკაციის გამო მოხვდა.

„ბოლო მონაცემებით, 1668 გამოძახება ფიქსირდება, აქედან,  422-ს ჰოსპიტალიზაცია დასჭირდა. რაც შეეხება ავარიებს, სულ ოთხ ავარიაზე გვქონდა გამოძახება და აქედან ყველაზე მძიმე გორში მომხდარი ავარია იყო, საიდანაც 10 დაშავებული გადავიყვანეთ საავადმყოფოში, ხოლო ავარიების შედეგად, გუშინ  სულ ორი ადამიანი გარდაიცვალა. 422 ჰოსპიტალიზაციიდან  ალკოჰოლური და კვებითი ინტოქსიკაციით სულ 14 ადამიანი გადაიყვანეს საავადმყოფოში. საერთოდ, ბოლო დღეების განმავლობაში, ქეიფებთან დაკავშირებით გამოძახებების მატება იგრძნობა“, - განუცხადა „ექსპრესნიუსს“ მარიკა ხატაშვილმა.
 
სასწრაფო სამედიცინო დახმარების ცენტრის ჰოსპიტალიზაციის სამმართველოს უფროსმა ახალი წლის დღეებში სასწრაფო სამედიცინო დახმარების გამოძახებები შეაჯამა:

 პირველ იანვარს 1998 გამოძახება იყო. აქედან ჰოსპიტალიზაცია 389 ადამიანს დასჭირდა, დაფიქსირდა 19 ავარია.
 
ორ იანვარს 1924 გამოძახება ფიქსირდება, 497 ჰოსპიტალიზაცია, ხოლო ავარიების 15 შემთხვევა იყო.

3 იანვარს 1970 გამოძახებიდან, 422-ს ჰოსპიტალიზაცია დასჭირდა, დაფიქსირდა 7 ავარია.

4 იანვარს 1890 გამოძახების რაოდენობა ფიქსირდება და- 413 ჰოსპიტალიზაცია.

5 იანვარს 1799 გამოძახების შემთხვევა ფიქსირდება, ხოლო 429-ჰოსპიტალიზაცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს