2015-01-28 17:03:04, 836 ნახვა
სამართალი
საგანელიძის ინფორმაციით, ზურაბ ვაზაგაშვილის გარდაცვალების დეტალები მალე გასაჯაროვდება
უმრავლესობის ლიდერის დავით საგანელიძის ინფორმაციით,ზურაბ ვაზაგაშვილის გარდაცვალების დეტალები საზოგადოებისთვის ნათელი გახდება და მალე გასაჯაროვდება.
ამის შესახებ საგანელიძემ პოლიტსაბჭოს დასრულების შემდეგ განაცხადა.
„პოლიტსაბჭოზე დავინტერსდით ყველასთვის მტკივნეული საკითხით იყო თუ არა რამე სიახლე იური ვაზაგაშვილის მკვლელობის საქმის გამოძიებასთან დაკავშირებით თუ რა დეტალებია ცნობილი და როგორ მიმდინარეობს გამოძიება. ვფიქრობ პროკურატურას უნდა მივცეთ გარკვეული დრო იმისთვის, რომ ეს რთული საქმე გამოძიოს,მაგრამ რაც შეეხება მისი შვილის გარდაცვალების საქმეს მე მაქვს ინფორმაცია, რომ ძალიან ბევრი დეტალი უკვე ნათელია და ალბათ საზოაგადოებას ამის შესახებ ინფორმაცია მალე ექნება“,-განაცხადა საგანელიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
