ფინანსთა მინისტრის მოადგილე გიორგი კაკაურიძე ადასტურებს, რომ სახელმწიფო ბიუჯეტში დაგეგმილი ცვლილებებით რიგი ინფრასტრუქტურული პროექტების დაფინანსება მცირდება.

ამის შესახებ კაკაურიძემ საბიუჯეტო ცვლილებების პროექტის რიგგარეშე სესიის პლენარულ სხდომაზე განხილვისას საპარლამენტო უმცირესობის კითხვის საპასუხოდ განაცხადა, კონკრეტულად რა ტიპის ხარჯები მცირდება გარდა ადმინისტრაციულისა.

„სამტრედია–გრიგოლეთის მონაკვეთის მშენებლობასთან დაკავშირებით ტენდერი ნამდვილად შედგა 2013 წელს. ეს იყო საერთაშორისო ტენდერი და კომპანია დონორთან ერთად შეირჩა. ეს არის უკრაინული კომპანია და იქ განვითარებული მოვლენების გამო მას პრობლემები შეექმნა. ის ვერ ასრულებს გრაფიკის მიხედვით სამუშაოებს და ეს არის ნამდვილად ერთ–ერთი მსხვილი პროექტი, რომლის დაფინანსებაც მცირდება. უახლოეს მომავალში იქნება გადაწყვეტილება მიღებული, როგორ მოხდება ამ პროექტის განხორციელება“, – განაცხადა გიორგი კაკაურიძემ.

მისივე თქმით, თანხების დაზოგვა ძირითადად ადმინისტრაციული ხარჯების შეკვეცით ხდება. კაკაურიძის განცხადებით, შრომის ანაზღაურება მთლიანობაში დაახლოებით 27 მილიონი ლარით მცირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო