თბილისის მერის დავით ნარმანიას შეფასებით, ვარდების მოედანზე მდებარე კლუბებსა და ბარებთან დაკავშირებით ძალოვანი უწყებისთვის მიცემული პრემიერის დავალება დროული იყო.

როგორც დედაქალაქის მერმა აღნიშნა, თუ სადმე კანონსაწინააღმდეგო ქმედება ხდება, ის უნდა აღიკვეთოს.

„დედაქალაქის მოსახლეობის მხრიდან პერიოდულად ისმის ამ საკითხთან დაკავშირებით წუხილი. ასე რომ პრემიერის დავალება ჩემი აზრით იყო დროული და ძალიან მნიშვნელოვანი, იმისათვის, რომ საკითხი იქნას შესწავლილი და თუ კი სადმე რაიმე კანონსაწინააღმდეგო ქმედება ხდება უნდა იყოს აღკვეთილი. პერიოდულად იყო ამ საკითხზე რეაგირებები“,-აღნიშნა ნარმანიამ.

ცნობისთვის, გუშინ, მთავრობის სხდომაზე, პრემიერმა შს მინისტრს დაავალა, ვარდების მოედანზე მდებარე ბარებში არსებული ვითარებით დაინტერესდეს. გიორგი კვირიკაშვილის განცხადებას საზოგადოების მხირდან არაერთგვაროვანი გამოხმაურება მოჰყვა, რის გამოც, პრემიერმა მოგვიანებით განცხადება განმარტა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ